सुरुङ्गा, सप्तरी । सप्तरीको सुरुङ्गा नगरपालिका वडा नम्बर ७, पोखरियामा अवस्थित श्री दलित जनता आधारभूत विद्यालयमा नयाँ विद्यालय व्यवस्थापन समिति र अभिभावक शिक्षक संघ गठन गरिएको छ। आज विद्यालय परिसरमा आयोजित एक विशेष भेलाले दुवै समितिको सर्वसम्मत चयन गरेको हो।
उक्त भेलामा सुरुङ्गा नगरपालिकाको शिक्षा शाखाका स्रोत व्यक्ति भोगेन्द्र यादव र सुरुङ्गा नगरपालिका वडा नम्बर ७ का जनप्रतिनिधि (वडा सदस्य) मोहम्मद अलाउदिनको विशेष उपस्थिति रहेको थियो। उहाँहरूको रोहबरमा नयाँ समिति चयन प्रक्रिया सम्पन्न भएको हो।
विद्यालयको सर्वाङ्गीण विकास, शैक्षिक गुणस्तर सुधार र समुदायसँगको सहकार्यलाई मजबुत बनाउने उद्देश्यका साथ गठित नयाँ समितिहरू यस प्रकार रहेका छन्:
विद्यालय व्यवस्थापन समिति (वि.व्य.स.)
- अध्यक्ष: लाल मोहन पासवान
- सदस्यहरू:
- प्रमेश्वर पासवान
- रन्जु कुमारी पासवान
- सबिन कुमार पासवान
- सन्ध्या कुमारी चौधरी
- मन्जु कुमारी पासवान
अभिभावक शिक्षक संघ (पि.टि.ए.)
- अध्यक्ष: जय नारायण साह
- सदस्यहरू:
- महेन्द्र पासवान
- धनेश्वरी पासवान
- लक्ष्मी कुमारी पासवान
- इन्दिरा देवी पासवान
भेलालाई सम्बोधन गर्दै शिक्षा शाखाका स्रोत व्यक्ति भोगेन्द्र यादव र वडा सदस्य मोहम्मद अलाउदिनले नवगठित समितिलाई बधाई तथा सफल कार्यकालको शुभकामना दिनुभयो। उहाँहरूले विद्यालयको भौतिक पूर्वाधार सुधार, शैक्षिक वातावरण र विद्यार्थीहरूको सिकाउ उपलब्धि बढाउन स्थानीय सरकार र शिक्षा शाखाको तर्फबाट पूर्ण सहयोग रहने प्रतिबद्धता समेत व्यक्त गर्नुभयो।
